"Plant tree plant Dhamma"ໂຄງການ ປູກຕົ້ນໄມ້ປູກຕົ້ນທັມ ທີ່ບ້ານວຽງຄຳໃຫຍ່ ເມືອງຜາອຸດົມ ແຂວງບໍ່ແກ້ວ 12-14 ມິຖຸນາ 2016 โครงการปลูกต้นไม้ปลูกต้นธรรม โดย "ชมรมนักศึกษาสงฆ์ลาวเชียงราย ร่วมกับชมรมท่องเที่ยวเชียงแสน"

ເມື່ອວັນທີ່ 13/06/2016 ທີ່ຜ່ານມາ ທາງສະມາຄົມນັກສຶກສາສົງລາວຊຽງຣາຍ ຮ່ວມກັບຊົມຣົມທ່ອງທ່ຽວຊຽງແສນ ປະເທດໄທ ໄດ້ດໍາເນີນການ"ຈັດສະຖານທີ່ປະກອບພິທີສູດມຸງຄຸນແລະປູກຕົ້ນໄມ້" ເນື່ອງໃນການຈັດກິດຈະກຳໂຄງການ “ປູກຕົ້ນໄມ້ປູກຕົ້ນທັມ” ທີ່ບ້ານວຽງຄໍາໃຫຍ່ ເມືອງຜາອຸດົມ ແຂວງບໍ່ແກ້ວ ລະຫວ່າງວັນທີ 12-14 ມິຖຸນາ ພ.ສ.2559 (2016) ເຊິ່ງຊາວບ້ານວຽງຄຳໃຫຍ່ມີຄວາມປະສົງຈະຍົກສະຖານທີ່ແຫ່ງນີ້ (ປ່າຊ້າເກົ່າ) ໃຫ້ເປັນວັດໃນອະນາຄົດ ດັ່ງນັ້ນທາງສະມາຄົມນັກສຶກສາສົງລາວຊຽງຮາຍ ຮ່ວມກັບຊົມຣົມທ່ອງທ່ຽວຊຽງແສນ ປະເທດໄທ ຈຶ່ງພາກັນມາຈັດກິດຈະກໍາເພື່ອໃຫ້ກຳລັງອົກກຳລັງໃຈຊາວບ້ານແຫ່ງນີ້ ໂດຍເຮັດໂຄງການປູກຕົ້ນໄມ້ຈຳນວນ 299 ຕົ້ນ ແລະໃຫ້ເງິນສະໜັບສະໜຸນການສ້າງວັດ (ບຸກເບີກສະຖານທີ່) ຈຳນວນ 11,900 ບາດ ຂໍອະນຸໂມທະນາບຸນກັບທ່ານພຣະອາຈານສຸວິດ ກັນລະຍາໂນ (ພຣະປະລັດນັດທະວະນົນພົງ) ຜູ້ຊ່ວຍເຈົ້າອາວາດວັດພະທາດຜາເງົາ ແລະຍາດໂຍມຊົມຣົມທ່ອງທ່ຽວຊຽງແສນ ອ.ຊຽງແສນ ຈ.ຊຽງຣາຍ ປະເທດໄທ ທີ່ໄດ້ຮ່ວມສົມທົບທຶນໃຫ້ການສະໜັບສະໜູນຊ່ວຍເຫຼືອດ້ານວັດຖຸປັດໄຈໃນຄັ້ງນີ້ດ້ວຍ *ຂ້າພະເຈົ້າພຣະສົມສັກ ສະມະຈິດໂຕໃນນາມຜູ້ຮັບຜິດຊອບໂຄງການ "ປູກຕົ້ນໄມ້ປູກຕົ້ນທັມ" ຂໍຕາງໜ້າເພື່ອນໆສະມາຄົມນັກສຶກສາສົງລາວຊຽງຣາຍແລະຊາວບ້ານວຽງຄຳໃຫຍ່ທຸກຄົນ ຂໍສະແດງຄວາມຂອບອົກຂອບໃຈແລະຮູ້ບຸນຄຸນທີ່ບັນດາທ່ານທີ່ໄດ້ໃຫ້ການຊ່ວຍເຫຼືອໃນການຈັດທຳໂຄງການປູກຕົ້ນໄມ້ໃນຄັ້ງນີ້ດ້ວຍແລະຂໍອະນຸໂມທະນາບຸນນຳຄະນະສັດທາຊາວບ້ານວຽງຄຳໃຫຍ່ທຸກຄົນທີ່ໄດ້ໃຫ້ການຕ້ອນຮັບແລະຊ່ວຍກັນຈັດງານນີ້ຈົນປະສົບຜົນສຳເລັດທຸກປະການ #ຂໍອ້າງອິງເອົາຄຸນພຣະສີລັດຕະນະຕັຍຈົ່ງມາປົກປັກຮັກສາທ່ານໃຫ້ມີແຕ່ຄວາມສຸກຄວາມຈະເລີນໝັ້ນຄົງໃນທັມພຣະສັມມາສັມພຸດທະເຈົ້າໄປຕະຫຼອດການລະນານເທີ້ນ...!